سلطة الملفوف والدجاج

سلطة الملفوف والدجاج






مدة التحضير 30 دقيقة


مدة الطبخ 30 دقيقة


تحضر لـ 4 اشخاص








السلطة عجيبة تنفع حق ربع الرجيم تشبع وشغل لوفات






المكونات






صدرين دجاج منزوعين العظام تقطعينها تقطيع طولي ضعيف -
بصلة صغيرة حمرة -
ثلاثة ارباع كوب خل ابيض-
راس ملفوف: ملفوفة خضرة مو كبيرة ولا صغيرة تقطعينها بشكل طولي صغار -
جزرة واحدة مقشرة ونفس الشي تقطعينها بشكل طولي صغير -
مقدار ملعقتين طعام كزبرة مقطعة صغار -
علوب او فلفل مقطع وحدة او ثنتين على حسب حبكم للحرارة -
فص ثوم مقطع -
نص ملعقة صغيرة سكر -
ثلاث ملاعق كبار صلصة سمك -
>> مو تستعملون مهياوة توهقوونا






تلقونها بالجمعيات عند الصلصات التايلندية






هذي صعبة بس انشالله تلاقونها -
ستة ملاعق كبار من خل العيش (الرز) الياباني او خل تفاح اذا ما لقيتو
الملح حسب الرغبة-






الطريقة




حطي جدر صغير وحطي نصة ماي




اشوية ملح وخلي الماي يغلي




بعدين حطي الدجاج المقطع وخليه يغلي




سكري غطاء الجدر وطفي النار وخليه 20 دقيقة مسكر




الدجاج مطبوخ عدل وابي تتخلصين من الماي




حطي الدجاج بصحن علشان يبرد وينشف




بعدها فلي الدجاج بيدينج علشان يصير نفس الخيوط




بعدها خلي الدجاج بصحن علشان تصير حرارته نفس حرارة الغرفة






ونفس الوقت حطي البصل ببادية وحطي الخل الابيض فوقة بس لين يتغطى




وخليه ربع ساعة علشان يليين وشوي تخف نكهته




بعدها شيليه البصل من الخل وحطيه مع الجزر والملفوف والكزبرة جنب الدجاج







ألحين نبي نجهز الصلصة




استعملي الهاون او الخلاط




انا استعملت الخلاط




حطي الفلفل الحار مع الثوم والسكر والملح




وشغلي الخلاط




بعدها حطي الخلطة ببادية وصبي خل الرز الياباني مع صلصة السمك




وحركي الخليط لين تتأكدين انه الملح والسكر ذاب عدل










تأكدي قبل التقديم بلحظات تحطين الصلصة فوق الخضار والدجاج وتقلبينهم عدل




وألحين حطيهم بصحن تقديم




وعلى قوله فتافيت صحتين على ألبكم